Vətəndaşlara sosial mənzil satmaq adı ilə dələduzluq edən şəxs həbs edildi
Digərləri 30 Mar 2019 08:02:00 269 0
Bu gün Bakı Ağır Cinayətlər Məhkəməsində dələduzluqda təqsirləndirilən Fərid Cəfərxanlı və Könül Kərimovanın cinayət işi üzrə məhkəmə prosesi başa çatıb.
Son.az oxu.az-a istinadən bildirir ki, hakim Mahmud Ağalarovun sədrliyi ilə keçirilən prosesdə hökm oxunub.
Hökmə əsasən, F. Cəfərxanlı 6 il müddətinə azadlıqdan məhrum edilib. Onun barəsində seçilmiş polisin nəzarətinə verilmə qətimkan tədbiri dəyişdirilib və o, məhkəmə iclas zalında həbs olunub.
K. Kərimova isə 7 il 6 ay müddətinə azadlıqdan məhrum edilib.
İttihama görə, hər iki şəxs vətəndaşların etibarından sui-istifadə edərək onların, ümumilikdə, 85 min 785 manat pulunu dələduzluq yolu ilə ələ keçiriblər.
Mənbə: milli.az