Vəkillər Kollegiyasına üzv olmaq istəyənlər üçün imtahan keçiriləcək
Digərləri 29 Mar 2019 09:26:00 415 0
Vəkillər Kollegiyasına üzv olmaq istəyən namizədlər üçün test imtahanı keçiriləcək
Bakı.
Dövlət İmtahan Mərkəzi martın 30-da Vəkillər Kollegiyası ilə birlikdə Vəkillər Kollegiyasına üzv olmaq istəyən namizədlər üçün test imtahanı keçirəcək.
Mərkəzdən Trend-ə verilən məlumata görə, namizədlərin sənəd qəbulu Vəkillər Kollegiyası tərəfindən aparılmışdır. İmtahanda iştirak etmək üçün 250 nəfər qeydiyyatdan keçmişdir.
İmtahan saat 10:00-da başlayır və 3 saat davam edəcək.
İmtahan kompüterlər vasitəsilə elektron qaydada aparılacaq. İmtahan bitdikdən sonra namizədə nəticələri haqqında arayış təqdim olunur.
Mənbə: az.trend.az