Türkmənistan, Qazaxıstan və İran – hansı ölkənin Cənub Qaz Dəhlizinə qoşulma şansı çoxdur?


Digərləri 28 Mar 2019 08:10:44 243 0

Türkmənistan, Qazaxıstan və İran – hansı ölkənin Cənub Qaz Dəhlizinə qoşulma şansı çoxdur?

Cənub Qaz Dəhlizi gələcəkdə genişlənəcəyi təqdirdə, Türkmənistan, Qazaxıstan və İran mümkün əlavə mənbə olacaq.

Bakı. Ləman Zeynalova - Azərbaycan qazının Avropaya nəqlini nəzərdə tutan Cənub Qaz Dəhlizi gələcəkdə genişlənəcəyi təqdirdə, Türkmənistan, Qazaxıstan və İran mümkün əlavə mənbə olacaq. Bunu Trend-ə “International Market Analysis LTD” şirkətinin direktoru Ariel Koen deyib. Adıçəkilən ölkələrin Cənub Qaz Dəhlizinə qoşulması perspektivindən danışan ekspert Trans-Xəzər qaz kəməri layihəsinə də toxunub: “Uzun müddət Trans-Xəzər qaz kəmərinin tikintisi layihəsinin tərəfdarı olmuşam. Amma təəssüf ki, Xəzər regionunda hazırkı şərtlər dənizin dibi ilə boru çəkməyə imkan vermir. Əgər Aşqabad və Bakı razılığa gəlsələr və Rusiya ilə İran müdaxilə etməsələr, bu, əla layihə ola bilər. Çünki boru kəmərinin uzunluğu elə də çox deyil və Türkmənistanda bu kəmərlə qaz nəql etmək üçün kifayət qədər qaz ehtiyatı var. Türkmənistan qaz ehtiyatına görə dünyada dördüncü ölkədir”. Ekspert əlavə edib ki, Qazaxıstan və İranla bağlı vəziyyət daha qəlizdir, çünki İranın şimaldakı ehtiyatları çox deyil, Qazaxıstan isə hazırda qazı daxili tələbat üçün istifadə edir, bundan başqa, ölkə qazı Mərkəzi Asiya-Çin qaz kəməri ilə Çinə ixrac edə bilər: