Son.az oxucuları sumağın faydaları ilə tanış edir:

İnfeksion xəstəliklərin qarşısını alır

Sumaq orqanizmdə iltihablanma, hərarət, artrit, dəri iltihabı, tənəffüs pozğunluqları, bronxit və bir çox xəstəliyin müalicəsində müsbət təsirə malikdir. Laboratoriya nəticələri sumağın yaxşı anti-inflamatuar xüsusiyyətlərə malik olduğunu təsdiqləyib.

Sumaq dərini müdafiə edir

Bu ədviyyatın anti-inflamatuar və antibakterial xüsusiyyətləri dəri problemlərinin müalicəsində və yaraların sağalmasında güclü təsirə malikdir. Çeynənmiş sumaq yarpaqları iltihablı diş ətlərini sağaldır.

Sumaq ürəyi və qaraciyəri qoruyur

Yüksək xolesterin ürək və qaraciyər xəstəliklərinin başlıca səbəbidir. Siçanlar üzərində aparılan təcrübədə sumaq meyvələri ekstraktının qanda xolesterin səviyyələrini aşağı saldığı ortaya çıxıb. Bu da onu göstərir ki, ədviyyat ürək və qaraciyər qorumaq üçün faydalıdır.

Antikanserogen xüsusiyyətləri var

Aparılan bəzi araşdırmalarda sumaq bitkisinin antikanserogen olduğu təsdiq edilib. Sumağın digər sağlam hüceyrələr üzərində mənfi təsir yaratmadığı, ancaq xərçəng hüceyrələrini məhv etdiyi müşahidə olunub. Bundan sonra sumaqdan dərman kimi kimyəvi müalicədə də istifadə edilməyə başlanılıb.

Qadınlar üçün olduqca faydalıdır

Sumaq qadın xəstəliklərinin müalicəsində də tətbiq edilir. Həddindən artıq vaginal axıntı zamanı dərman kimi istifadə olunur. Eyni zamanda sumaq ana südünün artırılması məqsədilə də istifadə edilir.

Menstruasiya və ağrıların müalicəsində

Mütəmadi olaraq sumaq istifadəsinin menstruasiya pozğunluğuna və aybaşı zamanı yaranan ağrılara yaxşı təsir etdiyi söylənilir.

İnsan bədənində detoks təsiri yaradır

Zərərli toksinlər zamanla insan bədənində yığılır və müxtəlif sağlamlıq problemlərinə yol açır. Sumaq toksinlərin bədəndən çıxarılması prosesini asanlaşdırır.

Tənəffüs və həzm problemlərini aradan qaldırır

Tənəffüs yolları xəstəliklərini müalicə etmək məqsədilə istifadə edilir. Sumağın müxtəlif tənəffüs yolu xəstəliklərində faydası elmi araşdırmalarda sübut olunub.