Bakı. Azərbaycan gimnastı Marina Nekrasova Bakıda keçirilən idman gimnastikası üzrə Dünya Kubokunda final mərhələsinə vəsiqə qazanıb. Trend-in məlumatına görə, təmsilçimiz dayaqla tullanma yarışlarında 13,966 xal toplayaraq təsnifat mərhələsində 7-ci olub. M.Nekrasova bu nəticə ilə turnirin həlledici mərhələsinə yüksəlib. Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku keçirilir. Martın 17-nə qədər davam edəcək yarışların ilk günü kişilər təsnifat mərhləsində sərbəst hərəkətlər, paralel qollar və halqalar, qadın gimnastlar isə dayaqla tullanma və müxtəlif hündürlüklü qollar üzrə tapşırıqları yerinə yetirirlər.