Bakı. Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti “ASAN Konüllülük” məktəbinin “ASAN kadr” Karyera mərkəzi və Baki Ali Neft Məktəbinin tələbə və məzunlar üçün birgə təşkil etdiyi 2-ci “Karyera sərgisi”ndə iştirak edib. Nazirlikdən Trend-ə verilən məlumata görə, sərgi tələbə və məzunların əmək bazarına çıxış və karyera imkanlarının artırılmasına, gənclərin, işəgötürənlərlə ilkin əlaqələr qurmalarına şərait yaradılması məqsədi daşıyıb.