Bir çox xəstəliklərin dərmanı
Digərləri 09 Mar 2019 19:22:00 190 0
Yem bitkisi olan yonca fitoterapiya sahəsində də geniş istifadə edilir. O müalicəvi təsirlərə malikdir və bir sıra xəstəliklərdə tətbiq edilir. Son.az medicina.az-a istinadən bildirir ki, bu bitki görmə pozuntusu zamanı, qulaqda küy olduqda, nevroz, depressiya, baş ağrısı, əhval-ruhiyyə aşağı olduqda tətbiq edilir. Müalicə məqsədilə yoncanın qurusu, şirəsi, dəmləməsi istifadə edilir.
Onu aşağıdakı üsulla hazırlayırlar: yoncanı blenderdə xırdalayın və suyunu sıxaraq çıxarın. Daha sonra hər 1 stəkan suya 5 ç/q olmaqla şir qarışdıraraq 10 dəqiqə saxlayın. Daha sonra 2-3 qat tənzifdən süzün.
Müalicə kursu 2 aydan artıq davam etməməlidir.
Yonca şirəsi soyuqdəymə, hərarət, öskürək zamanı və nəfəs yollarının təmizlənməsi üçün istifadə edilir. Bronxit, traxeit, pnevmaniya zamanı bu şirədən gün ərzində 7 x/q içmək tələb olunur. Ateroskleroz zamanı bu mayedən hər gün 1-2 x/q olmaqla 60 gün qəbul etmək lazımdır.
Yonca şirəsi qadınlar üçün daha faydalı hesab edilir. O, əsasən də mensturasiya ağrılarında, uşaqlıq qanaxmaları, anemiya və klimaks zamanı da yaxşı təsir göstərir.
Mənbə: milli.az