Sumqayıt Dövlət Dram Teatrı qadın əməkdaşlarını təbrik edir
Kriminal 07 Mar 2019 18:34:00 236 0
8 Mart Beynəlxalq Qadınlar Günü ilə əlaqədar Sumqayıt Dövlət Dram Teatrında toplantı keçirildi.
Son.az xəbər verir ki, Həmkarlar Təşkilatının teatr üzrə sədri Zöhrəli Əliyev çıxışa başlayaraq ilk öncə teatrımızda çalışan xanımları təbrik etdi və sözü teatrın direktoru əməkdar incəsənət xadimi Mübariz Həmidova verdi. Mübariz müəllim ürək sözlərini qadın kollektivimizlə bölüşərək hər zaman vətənpərvər ruhda, azərbaycançılıq məfkurəsinə sadiq, savadlı övladlar yetişdirən Azərbaycan qadınının istər tariximizdə, istər mədəniyyətimizdə, istərsə də milli mənəvi dəyərlərimizin qorunmasında mühim rolu olduğunu vurğuladı. Daha sonra teatrın baş rejissoru xalq artisti Firudin Məhərrəmov bu özəl gün münasibətilə xanımları təbrik etdi. Rəhbərlik müəssisəmizin fəaliyyətində rolu ilan hər bir qadın işçiyə həyatında və yaradıçılığında müvəffəqiyyətlər arzulayaraq onlara teatr adından bayram hədiyyəsi təqdim etdi.