Bayılda sürüşmə zonası ilə bağlı son vəziyyət açıqlandı
Digərləri 04 Mar 2019 13:59:00 252 0
Bayıl yamacında ötən ilin fevral ayında baş vermiş sürüşmə hadisəsindən sonra dövlət qurumları tərəfindən burada müvafiq tədbirlər həyata keçirilib. İlk növbədə, yararsız hala düşmüş 6 evin sahiblərinə müvafiq kompensasiya, təhlükə zonasındakı 98 evin sahiblərinə 11 aylıq kirayə haqları ödənilib.
Son.az Trend-ə istinadən xəbər verir ki, bunu Səbail Rayon İcra Hakimiyyəti başçısının 2 saylı Ərazi nümayəndəliyinin rəhbəri Mübariz Güləhmədov bildirib.
M.Güləhmədov qeyd edib ki, sürüşmə zonasında yerli və xarıcı mütəxəssislərin iştirakı ilə araşdırmalar aparılıb və hazırda bu işlər davam etdirilir:
"Bu ərazidə ötən əsrin 70-90-cı illərində tikilən fərdi yaşayış evlərinin, demək olar ki, böyük əksəriyyəti sənədsiz, qeyri-qanuni tikililərdir. Sakinlərin tikililərə dair heç bir mülkiyyət sənədi və ünvana qeydiyyatları yoxdur. Sonradan 90-cı illərdə isə burada 27 məcburi köçkün ailəsi məskunlaşıb".
Mənbə: milli.az