"Tahir Əkbər zülm yaşadı, pulu olmadı"


Şou-biznes 03 Mar 2019 20:57:00 257 0

"Tahir Əkbər zülm yaşadı, pulu olmadı"

"Bu gün onun dünya ilə ölüm arasında qaldığı gündür. O qədər dünyada qalmaq istəyirdi ki, qəbr evinə də doğru-düzgün köç edə bilmirdi. Tahir Əkbər böyük bəstəkar idi. Düzdür, indiki dövrdə adamın arxasında vəzifəli qohumu olmayanda onun səviyyəsinin dərəcəsində "O, böyük ustad idi" deyənlər az olur. Amma bizim vəfalı xalqımız sənətkarını yaşatmağı bacarır. Allah sizdən razı olsun".

Son.az axşam.az-a istinadən xəbər verir ki, bu sözləri əməkdar artist Aybəniz Haşımova mərhum bəstəkar Tahir Əkbərlə bağlı yazıb.

Müğənni bəstəkarın ölüm ildönümü olduğunu bildirərək, onunla bağlı xatirələrini bölüşüb:   "Tahir müəllim artıq bir ildir ki, aramızda yoxdur. Amma niyəsə hələ də elə bilirəm ki, bu yuxudur. O, mənim həm də qonşum idi. Sonra evini qızının Dillər Universitetində illik ödənişini ödəyə bilmədiyi üçün satıb çox kiçik birotaqlı evə sığınmışdı. Hətta evini satdıqdan sonra mənə dedi ki, görəcəksən, o evdə çox yaşamayacam, öləcəm. Çünki satdığım atamın pulu ilə aldığım ev idi. O evdən atamın iyini alırdım. Mən də Tahir müəllimin çox üzülməsini istəmədiyim üçün dedim ki, ata evin deyildi ki, atanın verdiyi pulla almışdın. Balana xərclədin. Nə olsun ki, burda nə var...

Amma əslində burada çox şey var idi. Adamın yeni mənzili o qədər kiçik idi ki... Allahın ona yazığı gəlib. O boyda sənətkarın yatmağa rahat yeri olmadığı üçün onu bu dar dünyadan apardı.

Bəli, düz oxudunuz. Dar dünya! Ona və onun kimi ustadlara bu yer üzü dardır. Çünki dünyanın özü də ikiüzlüdür Biri gördüyümüz, digəri isə görmədiyimiz. Digəri bəlkə buradan da betərdir, kim bilir?!


Xəbərə aid foto