Son.az "Report"a istinadən bildirir ki, bunu Bərdə Rayon Mərkəzi Xəstəxanasının baş həkimi Rəna Mustafayeva bildirib.

Baş həkimin sözlərinə görə, xəstəxanaya yerləşdirilən zaman körpələrin anaları ultrasəs müayinəsindən keçiblər və uşaqların döldə ölmüş vəziyyətdə olduğu müəyyən edilib. O bildirib ki, qadınların ikisi Tərtər, biri isə Ağcabədi rayonundandır.

R.Mustafayeva qeyd edib ki, Bərdə Rayon Doğum Evi ikinci dərəcəlidir. Bu səbəbdən regionun ağır xəstə olan hamilələri bu doğum evinə gətirilir. Həkim bildirib ki, vəziyyətləri ağır olan anaların bətnindən ölü döl xaric edilib.