Son.az report-a istinadən xəbər verir ki, bu barədə Gürcüstanın Milli Turizm Administrasiyasının illik araşdırmasında bildirilir.

Sənədə əsasən, Azərbaycandan olan turistlər qonşu ökədə orta hesabla 385 lari (143 dollar) xərcləyiblər. İllik müqayisədə xərclərdə 20 lari azalmanın qeydə alınmasına baxmayaraq, azərbaycanlı turistlər 2017-ci ildə olduğu kimi Gürcüstanda ən qənaətcil əcnəbilər adını qoruyub saxlayıb.

2018-ci ildə Gürcüstanda rusiyalı turistlər ən çox pul xərcləyiblər (1 326 lari / 492 dollar). Türkiyə və Ermənistandan olan turistlərin xərcləri isə müvafiq olaraq 923 lari (343 dollar) və 640 lari (237 dollar) olub.

Hesabat dövründə Gürcüstana səfər edən əcnəbi ziyarətçilərin ümumi xərcləri 7,9 mlrd. lari (3 mlrd. dollara yaxın) təşkil edib. Ziyarətçilər bir səfər ərzində orta hesabla 1 099 lari (408 dollar) xərcləyiblər. Xərclərin 28,6%-i qida və içkilər, 23,4%-i yerləşmə, 18,1%-i mədəni və əyləncə xidmətləri, 13,6%-i alış-veriş, 7,1%-i yerli nəqliyyata, 9,2%-i isə digər xidmətlərə sərf olunub.