Goal.az xəbər verir ki, mütəxəssis London klubunun psixoloji baxımdan yorulduğunu deyib. “Mövsümün əvvəllərində yaxşı oynayırdıq. Səhvlərimizi kompensasiya edirdik. Klubda xoş abu-hava var idi. Birdən-birə hər şey dəyişdi. Düşünürəm ki, Chelsea psixoloji baxımdan yorulub. Lazım olanda müdafiədə yaxşı oyun sərgiləyirik. Sonuncu iki matç bunu təsdiqləyir. Manchester City ilə oyunda isə buraxdığımız birinci qoldan sonra müdafiə xəttində aləm qarışmışdı. Emerson hazırda fiziki və psixoloji cəhətdən yaxşı formadadır. Əla oynayır. Heyətdə yer alması buna görədir”,- Sarri bildirib.

Qeyd edək ki, “zadəganlar” sonuncu 7 matçın 4-də məğlub olub.