Qədim zamanlardan bəri tez-tez yerinə yetirilən adətlərdən biri körpənin duzla yuyulmasıdır. Lakin övladınızın sağlamlığına əhəmiyyət verirsinizsə, qəti şəkildə bu adəti yerinə yetirməyə cəhd göstərməyin.

Son.az xəbər verir ki, bəzi etnik xalqlarda hələ də əməl edilən yeni doğlmuş körpənin duzla yuyulması əslində olduqca zərərli adətdir. Körpə ona görə duzla yuylur ki, bu yolla onun tərinin pis qoxmasının qarşısının alınmasına inanılır. Lakin bu, ağızdan-ağıza yayılıb günümüzə qədər gəlib çıxan bir inancdır. Bunun elmi sübutu yoxdur.

Nəzərə alınmalıdır ki, körpələrin dərisi böyüklərinkindən qat-qat həssasdır. Həssas dəri duzu özünə çəkərsə, bu, körpənin beyin qanamasına belə səbəb ola bilər. Hətta bu adətdən sonra ölən uşaqlar da olub.

Tər qoxusunun getməsi üçün duzlu su ilə yuyulmasından savayı uşaqlarınızı təmiz və ya çox az miqdarda duz qarışdırılmış su ilə yuya bilərsiniz. Pambıqla silmək də mümkündür. Lakin silərkən belə diqqətli olmaq, kobud davranmamaq lazımdır.