Goal.az xəbər verir ki, İnter-in baş məşqçisi Luçano Spalletti futbolçunun bu hərəkətinə münasibət bildirib. “İkardi soyunub-geyinmə otağına gəlib qələbəni komanda ilə birlikə qeyd etməli idi. Klubun bir parçasıdır. Düşünürəm ki, qələbəyə sevinib. Onunla bağlı problemi həll etmək lazımdır. Hamımız bunu istəyirik. Mauro mütləq heyətə dönməlidir”, - çalışdırıcı deyib.

Xatırladaq ki, klubun kapitan sarğısı İkardidən alınıb. 25 yaşlı argentinalı buna görə komadasının Avroliqada Rapid-lə matçından imtina edib. Sampdoriya oyununda isə dizinin ağrımasını bəhanə edərək iştirak etməyib. Futbolçunun həyat yoldaşı Vanda kapitan sarğısının İkardi üçün önəmli olduğunu deyib: “ Klub rəhbərliyi ilə 2-3 saatlıq söhbətimiz oldu. Lakin bu barədə mənə heç nə demədilər. Kapitanlığın əlindən alınması Mauronu kədərləndirib. Sanki bir ayağını itirib”.