Prezident İlham Əliyevin "Azərbaycan Respublikasının şəhər və rayonlarında çoxmənzilli binaların dam örtüklərinin təmiri ilə bağlı əlavə tədbirlər haqqında" 2019-cu il 4 fevral tarixli Sərəncamının icrası istiqamətində Şəkidə çoxmənzilli 28 binanın dam örtüyünün təmiri nəzərdə tutulur. Üç, dörd və beş mərtəbədən ibarət binaların dam örtüklərinin ümumi sahəsi 42 min 119 kvadratmetrdir. Təmir işlərinə 2 milyon 483 min manat vəsait sərf olunacaq.