Praqanın müsəlman icmasının sabiq rəhbəri və ərəbşünas Vladimir Sanka barəsində bəraət qərar qətidir. Xatırladaq ki, o, Bilal Filipsin bir çox Avropa ölkələrində qadağan edilmiş "Tövhidin əsasları - Tanrının islam konsepsiyası" kitabının tərcüməsi, nəşri və yayılması üzrə təqsirləndirilirdi.

Son.az AZƏRTAC-a istinadən bildirir ki, Çexiya Respublikasının Ali Məhkəməsi V.Sankanın üzərindən ittihamın götürülməsinə etiraz etməyə can atan ali dövlət prokuroru Pavel Zemanın iddia ərizəsini rədd edib. Vladimir Sanka ilk dəfə 2016-cı ildə Praqa-1 Rayon Məhkəməsində bəraət qazanıb. Daha sonra ikinci instansiya məhkəmələri işə yenidən baxıblar.