Prezident İlham Əliyev Litva Respublikasının Prezidentini təbrik edib


Siyasət 15 Fev 2019 16:39:00 223 0

Prezident İlham Əliyev Litva Respublikasının Prezidentini təbrik edib

Prezident İlham Əliyev Litva Respublikasının Prezidenti Zati-aliləri xanım Dalya Qribauskayteyə məktub ünvanlayıb.

Son.az AZƏRTAC-a istinadən bildirir ki, məktubda deyilir:

"Hörmətli xanım Prezident,

Ölkənizin milli bayramı münasibətilə Sizə və xalqınıza öz adımdan və Azərbaycan xalqı adından ən səmimi təbriklərimi yetirirəm.

İnanıram ki, Azərbaycan ilə Litva arasındakı mövcud dostluq və tərəfdaşlıq münasibətləri, ikitərəfli və çoxtərəfli qaydada səmərəli əməkdaşlığımız xalqlarımızın mənafelərinə uyğun olaraq bundan sonra da müvəffəqiyyətlə davam edəcəkdir.

Bu əlamətdar gündə Sizə ən xoş arzularımı yetirməkdən məmnunluq duyur, dost Litva xalqına daim əmin-amanlıq və rifah arzulayıram".