Türkiyənin Afyonkarahisar vilayətində keçmiş ərini öldürüb cəsədini təndirdə yandıran qadın onu axtrarışa verib.

Son.az AA-ya istinadən xəbər verir ki, olayla bağlı aparılan araşdırma zamanı ifadəsi alınan itkin kişinin qızı atasını anasının öldürdüyünü deyib.

Qadın 28 yanvarda polis idarəsinə gedərək bir müddət əvvəl boşandığı, ancaq birlikdə yaşamağa davam etdikləri Qazi Akbıyıkın 10 gündür yoxa çıxdığı barədə məlumat verib.

Araşdırmalar davam etdiyi zaman itkin kişinin qızı A.A. (14) polis idarəsinə gedərək atasını anasının öldürdüyünü söyləyib.

Bu məlumatdan sonra polislər evdə axtarış aprıb, oradakı təndirlərə baxıblar.