Berlin kinofestivalının təşkilatçıları Neapol mafiyası barədə çəkilmiş "Neapol piraniləri" filminin premyerası zamanı təhlükəsizlik tədbirlərini gücləndiriblər.

Son.az AZƏRTAC-a istinadən bildirir ki, görülən tədbirlər çərçivəsində çəkiliş qrupunun mətbuat konfransında mühafizəçilərin sayı artırılıb, festivala aparan yol boyu isə bir neçə əlavə polis avtomobili növbə çəkir.

Təhlükəsizlik tədbirləri mafiyanın filmin ssenari müəllifi, yazıçı və jurnalist Roberto Savyano barəsində ölüm hökmü çıxarması ilə bağlıdır. Savyano İtaliya Daxili İşlər Nazirliyi tərəfindən mühafizə altına alınıb.