Super güclər həmişə komikslər və elmi fantastika mövzusu olub.

Lakin çoxlarımızın xəyal etdiyi xüsusi bacarıqlara malik bəzi qeyri-adi insanlar da az deyil.

Bəzi hallarda bunlar, genetik mutasiyalarla və bəzi hallarda o insanların bədənlərinin spesifik həyat şərtlərinə alışması ilə izah olunur.

Bəzilərimizin malik olduğu bu qəribə bacarıqlardan beşini təqdim edirik:

1.Sualtında təmiz görmək

Əksəriyyətimiz sualtında gözünü aça bilmir, aça biləndə isə bulanıq görürük. Lakin Myanma və Tailandın Andaman sahili boyunca yaşayan üç qəbilədən ibarət Moken-lilər istisnadır.

Bu adalılar, dəniz fauna və florası yığımı ilə məşğul olurlar və ilin böyük hissəsini su və ya qayıqlarda qurduqları komalarda yaşayırlar. Buna görə də dəniz köçəriləri kimi tanınırlar.

Heç şübhəsiz ki, suyun altında təmiz görmək bacarığı həyat tərzləri ilə bağlıdır.

Bir çox adam su altında gözüna açanda bulanıq görür

Əslində hər şey insan gözünün hava və su ilə təması zamanı yaranan fiziki prosesdən asılıdır.

Hava ilə təmasda işıq korneaya (gözün şəffaf təbəqəsi) daxil olan zaman qırılmış olur. Bu isə havadan daha sıxdır. Lakin suyun sıxlığı göz mayesinin sıxlığı ilə eyni olduğuna görə, qırılma aydın görməni təmin edəcək qədər kifayət deyil.

Üzgüçü gözlükləri göz ilə su arasında hava yaradaraq problemi həll edir.

2003-cü ildə Current Biology jurnalında dərc olunan bir araşdırma göstərib ki, Moken-lərin gözlərinin işığı aydın görmək üçün yetərli şəkildə əyərək su altına uyğunlaşmaq bacarığı var - delfinlərdəki kimi.

Əlavə araşdırmalar isə, ayaq üzərində dayanıb, dəniz nizəsi ilə balıq ovlayan yetkin bir Moken-in bu bacarığı tədricən itirdiyini göstərib.

2. Ekstremal soyuq havaya dözmək

İnsan bədəninin normal hərarət dərəcəsi 36.5C və 37.5C-dir. Bu, bəzi insanların isti iqlimlərə soyuqdan daha rahat tab gətirməsini izah edir.

Əksəriyyətimiz uzun müddət iqluda yaşaya bilmərik

Amma Arktikada yaşayan inuitlər və ya Rusiya sakinləri nenlərin orqanizmləri dondurucu temperaturlarda yaşamağa öyrəşib.

Onların bədənləri soyuğa fərqli reaksiya göstərir, çünki bioloji olaraq hamımızdan fərqlidirlər.

Onların dərisi bizimkindən daha istidir və metabolik dərəcələri daha yüksəkdir.

Eləcə də tər vəzləri daha azdır və soyuqdan titrəmirlər.

Bu xarakterik göstəricilər tamamilə genetikdir: əgər inuit və ya nenet deyilsinizsə, Şimal Qütbünə köçüb, illərlə yaşasanız belə, soyuğa tab gətirmək bacarığını həmin insanlar qədər inkişaf etdirə bilməyəcəksiniz.

3.Az yuxu ilə enerjili qalmaq