"Donuz qripinə" tutulmamaq üçün vacib
Digərləri 02 Fev 2019 18:44:00 220 0
"Donuz qripindən xüsusi qorunma yolları yoxdur. Virus aşkar olunubsa, əhalidə xof yaratmaq da mənasızdı. Çünki panikaya düşmüş insanların tibb müəssisələrinə axını başlaya bilər. Nəticədə hamı bir-birini yoluxduracaq".
Son.az xəbər verir ki, bu barədə həkim-pediatr Vaqif Qarayev öz "Facebook" səhifəsində yazıb.
Həkim əlavə edib ki, virusa yoluxmamaq üçün insanların sıx olduğu məkanlara getməməli, qoruyucu maskalardan istifadə olunmalı, əllər tez-tez yuyulmalıdır.
Yüksək hərarət zamanı temperatur salan dərmanlardan (antibiotiklərdən yox!) istifadə etmək olar.
Çoxlu maye (su, çay, şirələr, kompotlar) qəbul etmək, meyvə-tərəvəzdən bol-bol istifadə etmək lazımdır.
Mənbə: milli.az