Son.az qafqazinfo-ya istinadən xəbər verir ki, ötən gün Azərbaycanın saxlayaraq Türkiyəyə təslim etdiyi İbrahim E. prokurorluqda ifadə verib. Daha sonra məhkəməyə çıxarılan FETÖ-çü haqda həbs qərarı verilib. 

Xatırladaq ki, Türkiyə Milli Kəşfiyyat Təşkilatı (MİT) haqqında daha əvvəl yaxalanma qərarı çıxarılan İbrahim E.-nin yerini təsbit etdikdən sonra bu barədə Azərbaycan tərəfini məlumatlandırmışdı. FETÖ-çü MİT-in dəstəyi ilə Azərbaycan təhlükəsizlik qüvvələri tərəfindən keçirilən əməliyyatda saxlanılaraq ötən həftə iki azərbaycanlı polisin müşayiəti ilə İstanbula aparılmışdı.