Bakı. Samir Əli - Bu gün Bakı Ağır Cinayətlər Məhkəməsində dələduzluqda təqsirləndirilən “Velizade production” şirkətinin rəhbəri Tural Vəlizadənin cinayət işi üzrə məhkəmə istintaqı yekunlaşıb. Trend-in məlumatına görə, hakim Cavid Hüseynovun sədrliyi ilə keçirilən prosesdə prokuror təqsirləndirilən şəxsə cəza istəyib. Dövlət ittihamçısı T.Vəlizadənin 9 il 6 ay azadlıqdan məhrum edilməsini istəyib. Məhkəmənin növbəti iclası fevralın 5-nə təyin edilib.