Penitensiar xidmətin əməliyyat aparatı müxtəlif cinayətlərin üstünü açıb
Digərləri 28 Yan 2019 17:01:00 195 0
enitensiar xidmət polis əməkdaşları ilə birgə əməliyyatlar keçirib.
Bakı.
Ədliyyə Nazirliyi Penitensiar xidmətinin əməliyyat aparatının müxtəlif cinayətlərin üstünün açılması istiqamətində Respublikanın digər hüquq-mühafizə orqanları ilə qarşılıqlı əməkdaşlığı davam edir.
Penitensiar xidmətdən Trend-ə verilən məlumata görə, xidmətin, 10 saylı cəzaçəkmə müəssisəsinin əməliyyat aparatlarının və Daxili İşlər Nazirliyinin Nəsimi RPİ-nin əməkdaşlarının birgə keçirdikləri əməliyyat-axtarış tədbirləri nəticəsində AR CM-nin 181.2.1, 181.2.3-cü maddələri ilə barəsində axtarış elan edilmiş Bərdə şəhər sakini Həsənov Şamxal Fəqani oğlu saxlanılaraq Nəsimi RPİ-nin əməkdaşlarına təhvil verilib.
Penitensiar Xidmətin, 11 saylı cəzaçəkmə müəssisəsinin əməliyyat aparatlarının və Daxili İşlər Nazirliyinin Nizami rayon Polis idarəsinin 25-ci Polis şöbəsinin əməkdaşlarının birgə keçirdikləri əməliyyat-axtarış tədbirləri nəticəsində Bakı şəhər sakininə qarşı quldurluq etmiş Lənkəran şəhər sakini Niftullayev Namiq Akif oğlu Binəqədi rayonu ərazisində saxlanılaraq Nizami rayon Polis idarəsinə təhvil verilib.
Trend-in ən mühüm və maraqlı xəbərlərini "Telegram"da izləyin
Mənbə: az.trend.az