Çox az adam bilir ki, baş ağrıları, dəri xəstəlikləri, allergiya, artrit, şişlər və digər sağlamlıq problemləri bağırsağın işinin pozulması ilə bağlıdır. Qəbul etdiyiniz qidaları mədə həzm etdikdən sonra faydalı maddələr ayrılır və qida tullantıları bağırsaqlara ötürülür.

Son.az xəbər verir ki, 20-ci əsrin birinci yarısında məşhur cərrah Arbutnot Leyn İngiltərədə mindən çox yoğun bağırsaq əməliyyatı yerinə yetirib. O, bütün xəstəlikləri qəbizliklə əlaqələndirir və xəstələrini sadəcə qalın bağırsağı təmizləyərək müalicə edirdi. Cərrah apardığı araşdırmalar nəticəsində bu qənaətə gəlib ki, qalın bağırsaq zəhərlənməsi bədənin orqanlarını tədricən sıradan çıxarır.

Başqa bir həkim və amerikalı yazar Bernard Censen bağırsaqlara daxil olan toksinlərin bütün bədənə yayıldığını bildirib. Odur ki, bağırsaqların təmizləməsi çox vacib prosedurdur. Sağlam bağırsaq qida maddələrinin mənimsənməsinə imkan yaradır, ən əsası toksinləri bədəndən xaric edir. Bağırsaqların işinin pozulması nəticəsində parazitlər və qida qalıqları qana keçərək infeksiya, allergiya, sızanaq, qəbzlik, artrit, revmatizm, astma, ürək və tənəffüs problemləri, xroniki yorğunluq, depressiya, konsentrasiyanın pozulması, panik hücumu və s. kimi müxtəlif sağlamlıq problemlərinə yol aça bilər.

Xəstəliyin əsas səbəbləri aşağıdakı vəziyyətlərdir:

1. Fekal çirklənmə

2. Bağırsaq disbakteriozu

3. İrritabl bağırsaq Sindromu (IBS)

4. Qluten və Çölyak xəstəliyi

1. Fekal çirklənmə

Ağ un bədən üçün çox təhlükəlidir. Unu aşağı temperaturda su ilə bişirsəniz, köhnə kitabı təmir etmək üçün güclü yapışqan hazırlaya bilərsiniz. Tərkibində ağ un olan məhsullar uzun illər ərzində bağırsaq divarlarına, xüsusən də böyük bağırsaqda təbəqə halında toplanır. Bu yapışqan hər gün daha çox yığılaraq qəbzliyə səbəb olur. Dolayısıyla bu, çirklənmə ilə nəticələnir.

Bundan savayı oturaq həyat tərzi, ətraf mühitin çirklənməsi, dərmanlar, şəkər, rəfinə olunmuş məhsulları, kimyəvi qatqılar, stress, minerallar və digər faydalı maddələrin çatışmazlığı bağırsaqlarda toksinlərin yığılmasına təsir göstərir. Bu, bakterial florasına təsir edir və metabolizmi yavaşladır.

2. Bağırsaq disbakteriozu

Bağırsaq bakteriyalarının disbalansı ilə bir çox sağlamlıq problemi ortaya çıxır. Şəkər və zülalın həddindən artıq istehlakı, məhsulların yanlış birləşməsi, həmçinin laksatiflər və antibiotiklər bağırsaq disbiozuna səbəb olur.

3. İrritabl Bağırsaq Sindromu (IBS)

İrritabl bağırsaq sindromu şişkinlik, qəbzlik, ishal (diareya), qaz, qarın nahiyəsində ağrı və sancı kimi xroniki simptomlar ilə xarakterizə olunur.

IBS göbələklərə, parazitlərə və patogen bakteriyalara, eləcə də narahatlıq və stressə səbəb ola bilər. IBS müxtəlif xroniki xəstəliklərə və hətta xərçəngə də yol açır.