Son.az saglamolun.az-a istinadən həkim-mütəxəssis Yazgül Abdiyevanın məqaləsini təqdim edir.

Mayanın və mayadan hazırlanan çörəyin ziyanı: mif və ya reallıq?

Maya - tək hüceyrəli göbələklərin 1500 növü üçün vahid addır, duru və yarımduru qidalı mühitlərdə yaşayırlar. Maya göbələkləri həm oksigenli mühitdə, həm də anaerob mühitdə yaşaya bilirlər. Onlar torpaqda, suda və heyvanların bağırsağında məskən salırlar. 1 sm yetişmiş xəmirdə 120 mln yaxın maya hüceyrələri olur.

Çörəkçilik sahəsində mayanın aktiv istifadəsi XX əsrin 40-cı illərinə təsadüf edir. Bu zamana kimi ənənəvi olaraq çörəyi mayaotu, biyan kökü, çovdar və digər mayalanma vasitələri ilə bişirirdilər. Bundan başqa, çörək keyfiyyətli dənli taxıl unundan bişirilirdi və şübhəsiz müasir çörəklərdən faydalı idi.

Niyə bəs çörəkbişirmə mayaları tamamilə təbii mayalanma vasitələrini sıxışdırıb çıxartdı? Cavab aydındır: sənaye maya göbələklərinin köməyi ilə bişirilən çörək daha asan və tez bir zamanda bişirilir. Mayanın qulluğa ehtiyacı var, təbii maya qidalı mühitə və temperatura daha "tələbkardır". Alınma maya isə - seleksiya məhsuludur və istənilən bir şeyi qaldıra bilər.

Çörəkçilik mayası və mayalı çörək: fayda və ya zərər

Mayanın orqanizm üçün faydası haqqında çox eşitmişik. Rəsmi tibbin rəyinə əsasən, maya pəhriz zülal məhsulu hesab edilir, tərkibində 66% zülallar, çox sayda vitaminlər və minerallar vardır. Tərkibində K, P, Mg, Ca, Fe, B qrup vitaminlər, vitamin H, fol və paraaminobenzoy turşusu, metionin və lesitinin olması mayanı yaxşı qida əlavəsi edir. Mayanın tərkibində faydalı maddələrin olması - sübut edilmiş faktdır, amma insan orqanizmi tərəfindən nə dərəcədə mənimsənilməsi sual olaraq qalır.

Həkimlərin özü mayanın istifadə olunmasına bir sıra əks göstərişlərin olmasını göstərirlər. Xüsusilə, mayanın qəbulu qadınlarda vaginal kandidozun inkişafına şərait yarada bilər. Həmçinin, maya kulturası allergiya, disbakterioz, endokrin pozulmaları olan şəxslər üçün təhlükəlidir.

Çörəkçilik mayası insan orqanizmi üçün nəyə görə zərərlidir?

1. Onlar bizə vacib olan mikroelementləri "oğurlayırlar"

Maya - göbələkdir, hansı ki, bağırsağa daxil olduqda geometrik proqressiya ilə artıb çoxalırlar, bağırsaq onun üçün əla qidalı mühitdir. Mayanın həyat fəaliyyəti üçün karbohidratlar, vitaminlər və minerallar mütləqdir, hansını ki, onlar insanın qidasından əldə edirlər. Nəticə olaraq orqanizmdə vacib olan mikroelementlərin defisitinə səbəb olur.