Goal.az klubun rəsmi saytına istinadən xəbər verir ki, 47 yaşlı almaniyalı mütəxəssisin müqaviləsinə qarşılıqlı razılaşma əsasında xitam verilib. Vaqner özü mövsümün sonuna qədər postunda qalmaq istəsə də, klubun sahibi Din Hoyl bununla razılaşmayıb.

Komandanı XXIII turda Manchester City ilə görüşə Huddersfield-in sabiq oyunçusu Mark Hadson hazırlayacaq.

Qeyd edək ki, Huddersfield hazırda 11 xalla sonuncu pillədədir. Tarixi ərzində Premyer Liqada ikinci mövsümünü keçirən klub indiyə qədər keçirdiyi 60 oyundan 31-də qol vura bilməməklə antirekorda imza atıb.