MTRŞ bir neçə kabel şəbəkəsi yayımçısını məhkəməyə verib
Digərləri 15 Yan 2019 09:32:00 447 0
Ötən il bir neçə kabel şəbəkəsi yayımçısı tərəfindən kütləvi nümayişi (retranslyasiyası) həyata keçirilən teleradio kanallarının yayımlanmasına dair mülkiyyətçilərin razılığının olmadığı müəyyən edilib.
Son.az xəbər verir ki, bu barədə Trend-ə Milli Televiziya və Radio Şurasından məlumat verilib.
Məlumata görə, İnzibati Xətalar Məcəlləsinin 383.2-ci maddəsinə əsasən - teleradio təşkilatlarının razılığı olmadan onların verilişlərindən (proqramlarından) istifadə edilməsinə və ya mülkiyyətçinin razılığı olmadan proqramların (verilişlərin) yayımlanmasına, köçürülməsinə (tirajının çoxaldılmasına), satılmasına və ya kütləvi nümayişinə görə - "Metronet" MMC, "Uninet" MMC və "Enginet" MMC barəsində inzibati protokol tərtib edilərək müvafiq rayon məhkəmələrinə göndərilib.
Mənbə: milli.az