Ən populyar mobil əlavə və oyunları açıqlandı


Digərləri 10 Yan 2019 08:05:00 223 0

Ən populyar mobil əlavə və oyunları açıqlandı

"App Annie" analitik şirkəti 2018-ci ilə yekun vuraraq ən populyar mobil əlavə və oyunları açıqlayıb. Reytinq "Apple App Store" və "Google Play" mağazalarında dünya yükləmə statistikasına əsaslanır.

Son.az ICTnews-a istinadən bildirir ki, ən populyar əlavə "Facebook Messenger" olub. İkinci pillədə "Facebook" şəbəkəsi, üçüncüdə "WhatsApp" messenceri, dördüncüdə "Tik Tok" sosial şəbəkəsi qərarlaşıb. Liderlər beşliyini "Instagram" şəbəkəsi tamamlayıb.

Reytinqə görə, ən çox yüklənən oyunlar kimi müvafiq olaraq birinci, ikinci və üçüncü yerləri tutan "Helix Jump", "Subway Surfers" və "PUBG Mobile" seçilib. Proqram tərtibatçılarına ən çox qazanc gətirən əlavələr arasında lider mövqedə "Netflix" yer alıb. Oyunlar arasında birinci pillədə "Fate/Grand Order" qərarlaşıb.