Belhanda getmək istəyir
İdman 09 Yan 2019 21:10:00 428 0
Galatasaray daha bir əcnəbi futbolçusu ilə yollarını ayırır.
Goal.az Türkiyə mətbuatına istinadən xəbər verir ki, yarımmüdafiəçi Yunes Belhanda komandasını dəyişməyə hazırlaşır.
Qari Rodrigesi 10 milyon avroya Səudiyyə Ərəbistanı təmsilçisi Al-İttihad-a satan "cim-bom" Belhanda məsələsini də bu klubla həll edir. Məlumatda bildirilir ki, tərəflər 7 milyon avroluq məbləğdə ilkin razılıq əldə ediblər. Danışıqlarda yalnız xırda detallar qalıb və yaxın günlərdə Belhandanın da keçidi açıqlanacaq.
Qeyd edək ki, Belhanda Galatasaray-a ötən mövsümün əvvəlində 9 milyon avro müqabilində Kiyev Dinamo-sundan keçmişdi. 29 yaşlı yarımmüdafiəçi bu mövsüm 15 matçda 5 assistlə yadda qalıb.
Mənbə: goal.az