Karaqanda hadisələri: Ermənistan əkdiyini biçməkdədir
Digərləri 08 Yan 2019 12:28:00 185 0
Karaqandadakı hadisələr onu göstərir ki, Ermənistan əkdiyini biçməkdədir
Bakı. Ləman Zeynalova -
Karaqandadakı hadisələr onu göstərir ki, Ermənistan əkdiyini biçməkdədir.
Bunu Trend-ə “Baku Network” Ekspert Şurasının direktoru, fəlsəfə doktoru Elxan Ələsgərov deyib.
Xatırladaq ki, Yeni il gecəsi, yanvarın 1-də “Qədim Roma” restoranında dava-dalaş düşüb. Nəticədə Qazaxıstan vətəndaşı, yerli etnosun 23 yaşlı nümayəndəsi bıçaqlanaraq qətlə yetirilib, 3 nəfər isə müxtəlif dərəcəli bədən xəsarəti alıb.
Karaqanda Xüsusi İstintaq Məhkəməsi hadisədə şübhəli bilinən üç nəfəri - Malxasyan Torq Manveloviç, Malxasyan Soxhak Samveloviç və Nadırbekov Kair Xamitoviçin barələrində 2 ay müddətinə həbs qətimkan tədbirinin seçilməsinə dair qərar qəbul edib. Dördüncü şübhəli Narek Qururyan isə hadisə yerindən qaçaraq gizlənib, onun barəsində də axtarış elan olunub.
E.Ələsgərov bildirib: “Ermənistan hakimiyyətinin nümayəndəsi Karaqandada vəziyyətin gərginləşməsində Azərbaycanı ittiham edib, amma reallıqda hadisələr onunla bağlıdır ki, Qazaxıstanda anti-erməni əhvali-ruhiyyə artır. Bu isə iki amillə bağlıdır: birincisi, əlbəttə ki, Karaqandada törədilmiş cinayətdir, ikincisi isə Ermənistanın anti-türk ideologiyasıdır”.
O qeyd edib ki, erməni politoloqlar öz şərhlərində çox vaxt hədlərini aşaraq türk xalqlarını “ikinci növ insanlar” və “mədəniyyətsiz” adlandırır:
Mənbə: az.trend.az