Bakı. 2019-cu ildə fəsillərin Azərbaycana daxilolma vaxtları açıqlanıb. Trend-in Azərbaycan Milli Elmlər Akademiyasına istinadən verdiyi məlumata görə, N.Tusi adına Şamaxı Astrofizika Rəsədxanasının direktor müavini, fizika üzrə fəlsəfə doktoru Xıdır Mikayılov bildirib ki, yaz fəslinin ölkəmizə qədəm qoyması martın 21-də yerli vaxtla saat 01:58-ə təsadüf edəcək və bu zaman gecə ilə gündüz bərabərləşəcək.