Cırtdan Musiqili Teatra Yeni il macərası ilə gəldi


Kriminal 28 Dek 2018 18:11:00 381 0

Cırtdan Musiqili Teatra Yeni il macərası ilə gəldi

Bu gün Azərbaycan Dövlət Musiqili Teatrı balaca teatrsevərlərə gənc rejissor Ayla Osmanovanın quruluşunda xalq nağılımız "Cırtdan"ın motivləri əsasında hazırlanan "Cırtdanın Yeni il sərgüzəştləri" tamaşasını təqdim edib.

Son.az xəbər verir ki, səhnə əsərinin rəngarəng dekorasiyaları, işiq effektləri, şən musiqilərı və oyunları onlarda bayram əhval-ruhiyyəsini daha da artırıb və zövq verib. Uşaqlar tamaşaboyu biri-birindən maraqlı qəhramanlarla - ağıllı Cırtdan, sehirli Div və onun şirin balası- Totu, Meşə pərisi, Ceyran, Odunçu baba, Çiçək, Mustafa, bayram sovqatlı Şaxta baba və Qar qızla canlı ünsiyyət qurmağa, onlarla yaxından tanış olmağa can atıblar, aktyorların ifalarını alqışlarla qarşılayıblar. Sonda Şaxta babanın ərmağan etidiyi özünəməxsus hədiyyələr körpələrə xoş anlar bəxş edib.

Xatırladaq ki, 28 dekabr 2018-ci il tarixindən nümayişinə start verilən bu  tamaşa  4-yanvar 2019-cu il  tarixinə qədər gündə 4 seans olmaqla (saat 10:30, 12:30, 14:30, 16:30-da) göstəriləcək.


Xəbərə aid fotolar