Son.az bildirir ki, "Cinayətə sürükləyən səbəblər" mövzusu ətrafında müzakirə zamanı verilişin aparıcısı Rövşanə Ağasəfqızı başına gələnlər haqda bəhs edib: "Mənim adıma 3 İnstaqram səhifəsi açılmışdı. Məhkəməyə filan vermədim, çünki kifayət qədər uzun prosesdir. Bir uşaq xəstədir deyilərək mənim adımdan 200 manat pul yığılıb. Xəbərim yox idi, təsadüfən xəbərim oldu. Tələbə yoldaşım mənə yazdı ki, "şübhələndim ki, bu, sən deyilsən, sənin yazı üslubuna oxşamadı". Bundan sonra ciddi şəkildə məsələnin üzərinə getdim və əməkdaşlarımızın köməkliyi ilə saxta hesabı bağladıq. Bu, birbaşa cinayətdir. Mən o adamı necə tapım?"