Bakı. Türkiyədə nəşr olunan aylıq “Can Azerbaycan” qəzetinin sonuncu sayı ölkənin nüfuzlu və çoxtirajlı “Star” qəzetinin əlavəsi kimi nəşr olunub və oxuculara pulsuz paylanılıb. Diasporla İş üzrə Dövlət Komitəsindən Trend-ə verilən məlumata görə, 110 min nüsxə tirajla çap olunan 15 səhifədən ibarət “Can Azerbaycan” qəzetinin bir səhifəsindəki yazılar Azərbaycan dilində təqdim edilib.