Bakı bulvarında yeniliklər: "Qar adamı", xizəkli maral və daha nələr...


Digərləri 18 Dek 2018 15:40:00 713 0

Bakı bulvarında yeniliklər: "Qar adamı", xizəkli maral və daha nələr...

Dənizkənarı Milli Parkda Yeni il hazırlıqları artıq yekunlaşmaq üzrədir.

Bakı. Ceyhun Ələkbərov - Dənizkənarı Milli Parkda Yeni il hazırlıqları artıq yekunlaşmaq üzrədir. Bunu Trend-ə Dənizkənarı Bulvar İdarəsinin mətbuat xidmətinin rəhbəri Günay Yelmarqızı deyib. Onun sözlərinə görə, bayram günlərində İdarə paytaxt sakinləri və qonaqlara maraqlı proqramlar təqdim edəcək: "Dənizkənarı Bulvar İdarəsi 31 dekabr - Dünya Azərbaycanlılarının Həmrəyliyi Günü və Yeni il bayramı ilə əlaqədar Milli Parkda hazırlıqları davam etdirir. Artıq Dənizkənarı Milli Park ərazisi boyunca ağaclar çilçıraqlarla bəzədilib. Kukla teatrının arxasında, bulvar ərazisində olan meydanda yolka qurulub, teatrın yanında, yeraltı keçidin önündə bulvar ərazisi istiqamətində işıqlarla bəzədilən, uzunluğu 35 m, eni 4.3 m və hündürlüyü 5 m olan tunel quraşdırılıb. Tunelin qurtaracağında, təxminən 30 m məsafədə diametri 5 m olan, işıqlarla bəzədilən şar quraşdırılıb. Şarın yaxınlığında Yeni ilin rəmzi olan maral qoşulmuş xizək, işıqlarla bəzədilmiş retro maşınlar qoyulacaq".