Nazir müavini: Azərbaycan və Aİ tərəfdaşlıq sazişinin mətnini marta qədər razılaşdıra bilərlər
Digərləri 14 Dek 2018 10:01:00 193 0
Azərbaycan və Avropa İttifaqı (Aİ) tərəfdaşlıq sazişinin mətnini gələn ilin mart ayına qədər razılaşdıra bilərlər.
Bakı. Ləman Zeynalova -
Azərbaycan və Avropa İttifaqı (Aİ) tərəfdaşlıq sazişinin mətnini gələn ilin mart ayına qədər razılaşdıra bilərlər.
Trend-in məlumatına görə, bunu jurnalistlərə Azərbaycan xarici işlər nazirinin müavini Mahmud Məmməd-Quliyev Bakıda Qara Dəniz İqtisadi Əməkdaşlıq Təşkilatının (QDİƏT) Xarici İşlər Nazirləri Şurasının 39-cu iclası çərçivəsində deyib.
Nazir müavini qeyd edib: "Əgər bizim aramızda qarşılıqlı anlaşma olsa, kompromissə gedəcəyik. Düşünürəm ki, gələn ilin mart ayınadək sazişin mətnini razılaşdıracağıq. Bizim üçün əsas olan sənədi hazırlamaq və paraflamaq, sonra isə ratifikasiya etməkdir".
M.Məmməd-Quliyev əlavə edib ki, Avropa Komissiyası və Avropa Parlamentində qarşıda duran seçkilərin nəticəsi həmin sənədin imzalanması prosesinə təsir göstərməyəcək, çünki hər iki tərəf bu sazişi dəstəkləyir.
Trend-in ən mühüm və maraqlı xəbərlərini "Telegram"da izləyin
Mənbə: az.trend.az