Nazarbayev Bakıda təhsil almış generalı dəstəklədi
Dünya 13 Dek 2018 19:44:00 237 0
Qazaxıstan prezidenti Nursultan Nazarbayev Belarus Respublikasının Dövlət Təhlükəsizlik Şurasının katibi, Bakıda hərbi təhsil almış general-leytenant Stanislav Zasın KTMT baş katibi postuna namizədliyinə rəsmi dəstəyini ifadə edib.
Son.az Azvision.az-a istinadən xəbər verir ki, bu barədə Nazarbayev Astanada Zas ilə keçirdiyi ikitərəfli görüşdə bildirib.
"Sankt-Peterburqda KTMT-yə üzv dövlətlərin başçıları sizin namizədliyiniz barədə Aleksandr Lukaşenkonun (Belarus prezidenti) təklifini dəstəkləməklə bağlı qərar qəbul etdilər. Siz artıq KTMT-yə üzv dövlətlərin rəhbərləri ilə görüşməyə başlamısınız və artıq Bişkekdə olmusunuz. Bildiyiniz kimi, Qırğızıstan Respublikası indi KTMT-yə sədrlik edir. Əminəm ki, sizin görüşləriniz yaxşı keçib" - Nazarbayev bildirib.
Nazarbayev, həmçinin, KTMT-nin baş katibi postunda çalışmaq üçün Zasın zəruri olan bütün bilik və bacarıqlara malik olduğunu vurğulayıb.
Mənbə: milli.az