Bakı. Azərbaycanın kənd təsərrüfatı sahəsində suvarma, meliorasiya ilə bağlı son illər ardıcıl və sistemli işlər görülür. Buraya regional, eyni zamanda dövlət investisiya proqramları çərçivəsində inşa olunan yeni su anbarları, nasos stansiyaları, suvarma kanalları və digər su təsərrüfatı obyektlərinin tikintisi daxildir. Yaradılan potensialdan tam istifadə etmək isə aqrar prioritetlərdəndir. Meliorativ tədbirlərin yaxşılaşdırılması və sudan səmərəli istifadənin təminatı üçün pivot suvarma sistemlərinin tətbiq arealı daha da genişlənməlidir. Prezident İlham Əliyevin müəyyənləşdirdiyi aqrar siyasi kursun əsas istiqamətlərindən biri məhz budur. Pivot suvarma sahəsində dünyanın ən müasir və praqmatik üsullarından birini təklif edən “Lindsay”in Azərbaycandakı rəsmi tərəfdaşı olmaqla, “4S” şirkəti ölkənin aqrar sektoruna sözügedən sahədə həll variantları təqdim etməkdə qərarlıdır. Bəs yerli kənd təsərrüfatı istehsalçıları “Lindsay” məhsullarının tətbiqi ilə nə qazanır? Əvvəla, “Lindsay” şirkətinin fəaliyyət fəlsəfəsinin qayəsini məhsuldarlığın maksimal artırılması təşkil edir. Təklif olunan müasir texnologiyalar sayəsində hər bir fermer üçün individual və kompleks yanaşma təqdim olunur. İkincisi, “Lindsay” bütün növ suvarma sistemlərinə malikdir. Buraya fırlanan tamancalı şlanqlar, dairəvi, frontal pivot sistemləri daxildir. Nəticə etibari ilə, onlar istənilən torpaq sahəsinə uyğunlaşdırılaraq ən keyfiyyətli məhsul əldə etməyə səbəb olur. Bundan əlavə, “Lindsay”in pivot suvarma sistemlərini tətbiq etməklə, məhsul istehsalçıları 35-40% daha az su istifadə edəcəklər və s. Bu yerdə qeyd edək ki, dünyada kənd təsərrüfatında istifadə olunan torpaqların yalnız 18%-i suvarılır, lakin bu torpaqlar planetdə ümumi istehsal olunan məhsulun 50%-ni verir. Ekspertlərin hesablamalarına görə, sudan düzgün istifadə etməklə Azərbaycanda becərilən kənd təsərrüfatı bitkilərinin məhsuldarlığını əkin sahələrini çoxaltmadan, yəni ekstensiv deyil, intensiv üsulla inkişaf etdirərək 2-3 dəfəyədək artırmaq olar. “Lindsay” pivot sistemləri dünyanın ən qabaqcıl suvarma sistemləridir. İndiyədək Azərbaycanın ən iri fermer təsərrüfatlarında, yeni yaradılan AqroParklarda ümumilikdə 500-ə qədər “Lindsay” pivot sistemi uğurla quraşdırılaraq istifadəyə verilib. Bu sistemlə torpaqların şoranlaşmasının qarşısı alınır, bitkilər vegetasiya dövründə optimal nəmliklə təmin edilir, nəticədə məhsuldarlıq bir neçə dəfə artır.