Dəm çaynikinin dibində qalmış qalıqları atmayın


Digərləri 07 Dek 2018 23:45:00 420 0

Dəm çaynikinin dibində qalmış qalıqları atmayın

Çay Şərq xalqlarının gündəlik həyatda ən çox istifadə etdikləri içkilərdən biridir. Çay soyuq havalarda orqanizmi isitdiyi kimi, isti havalarda da sərinlik gətirir. Lakin onun "görə biləcəyi iş" təkcə bununla bitmir.

Son.az medicina.az-a istinadən bildirir ki, çay həm də təbii və effektiv kosmetoloji vasitə hesab olunur. Çay vasitəsilə təmiz, qızartısız, sızanaqsız və ləkəsiz dəriyə sahib ola bilərsiniz.

Belə ki, əl-üzü yuyarkən sabun və su əvəzinə dondurulmuş yaşıl çayın buz parçalarından istifadə etmək olar. Dondurulmuş yaşıl çay dərini təravətli edir, yorğunluq izlərini aradan qaldırır, dərini tonusda saxlayır. Səhər və axşam yatmazdan əvvəl, yaxud günün istənilən vaxtında üzü təravətləndirmək üçün buz parçaları ilə silmək lazımdır. Makiyaj üçün istifadə edilən vasitəni zəif çay məhlulu ilə əvəz etmək olar.   Sızanaqlar və üzdə olan digər iltihabi proseslər zamanı dərini karkade çayı ilə silmək çox faydalıdır. Çay maskaları üzdə yaranan iltihab, dəri məsamələri və damarların genişlənməsi zamanı günəşin təsirindən qoruyur. Bunun üçün tənzif çayda isladılır və 10-20 dəqiqə müddətində dərinin üzərinə qoyulur. Dəri quru olanda maskadan sonra qidalandırıcı krem çəkmək olar.   Bir xörək qaşığı un tünd çay ilə qarışdırılaraq xama konsentrasiyasına çatdırılır və bir yumurta sarısı əlavə edilərək dərinin üzərinə çəkilir, 10-15 dəqiqə saxlanandan sonra isti su ilə yuyulur.