“Range Rover”lə qəza törədən şəxsdən xəbər var
Digərləri 06 Dek 2018 16:44:00 255 0
Bu ilin iyun ayında "Range Rover"lə qəza törədərək iki nəfərin ölümünə səbəb olmaqda təqsirləndirilən polis əməkdaşı Xəyal Məmmədovun cinayət işi üzrə istintaq yekunlaşıb.
Son.az qafqazinfo-ya istinadən, iş baxılması üçün Bakı Ağır Cinayətlər Məhkəməsinə göndərilib.
Yaxın günlərdə məhkəmə prosesinin ilk iclası təyin ediləcək.
Qeyd edək ki, iyunun 12-də Binəqədi qəsəbəsi ərazisində naməlum sürücünün idarə etdiyi "Range Rover" markalı avtomobillə Rahib Əliyevin idarə etdiyi "Ford" markalı avtomobil toqquşub. Qəza nəticəsində "Ford"un sürücüsü və sərnişini hadisə yerində ölüb.
Mənbə: milli.az