Ekspert: “Parisdə baş verənlər bütün Fransanı çətin vəziyyətə saldı”
Dünya 05 Dek 2018 13:12:00 278 0
"Fransada "Sarı jiletlilər" hərəkatı eyni zamanda həm müasir, həm də qədim etiraz aksiyalarına malik xüsusiyyətlərlə səciyyələnir. Fransada, demək olar ki, 5 əsrdir ki, buna bənzər tələblər irəli sürən qiyamlar baş verib. Belə ki, XİV əsrdən etibarən kəndilər vergilərə, çörəyin qiymətinin qaldırılmasına qarşı etiraz edərək qiyamlar qaldırıblar. Bu tarixi qiyamların müəllifləri olan kəndlilərin davamçıları olan kasıb və orta təbəqə, bu gün hakimiyyətdə olan hökumətə qarşı etirazını bildirir. Bu hərəkat eyni zamanda müasir etiraz formalarına məxsus xüsusiyyətlərlə də səciyyələnir. Belə ki, bu etirazlar sosial şəbəkələrdən doğub və etirazçılar kifayət qədər təşkilatlanmasalar belə internet, mütəmadi yayımlanan kanallardan geniş surətdə istifadə etməklə səfərbər ola bilirlər. Beləliklə, həm müasir və qədim, eyni zamanda ənənnəvi və yenilikçi olması bu hərəkata müstəsna forma verir".
Son.az xəbər verir ki, bunu report-a Paris - Sen Universitetinin siyasi elmlər və kommunikasi üzrə professor Frederik Treffel şərh edib.
O qeyd edib ki, Fransa hökuməti bu etirazlara cavab olaraq yanvarın 1-dən yanacağa tətbiq edilməsi nəzərdə tutulan verginin artırılmasını 6 ay müddətinə təxirə salıb: "Qış aylarında qaz və elektrikin qiyməti artırılmayacaq və maşınlara nəzərdə tutulan daha sərt texniki nəzarət tədbiq edilməyəcək. Lakin fikrimcə hökumət qərar qəbul edərkən daha cəlb tərpənməli idi. Bu baş verənlər, zorakılıq aktları bütün Fransanı, xüsusilə Parisi çətin vəziyyətə saldı. Düzdür, zorakılıq heç bir zaman haqlı olmur, xüsusilə zorakılıq aktları ictimai yerlərə qarşı törədildikdə. Zəfər tağı fransalıların hörmətlə və qürurla yanaşdıqları bir abidədir. Bu simvolik məna daşıyan bir tikiliyə qarşı göstərilən hörmətsizlik, istər asayiş keşikçilərinə, istərsə də insanlara məxsus maşınların yandırılması, ticarət obyeklərinə qarşı olunanlar acınacaqlıdır və təəsüf doğurur. Beləliklə, hökumətin artıq başqa seçimi qalmamışdı, zorakılıq aktlarından, həmçinin "Sarı jiletlilər"in xalq tərəfindən dəstəklənməsindən sonra bu tədbirləri həyata keçirmək məcburiyyətində idi. Bu tədbirlər bəs edəcəkmi? Hazırda bizi düşündürən bu sualdır. Etirazların başladığı gündən artıq 3 həftə keçir. Bu müddətdə hökumətin susması etirazları qidalandırmış olub. Yanacağın qiymətinin və yanacağa tətbiq ediləcək verginin artırılması tələbi ilə qiyama başlayan "Sarı jiletlilər" sonradan elektrik, daha sonra qida məhsullarının qiymətinin artırılmasınaqarşı etiraz etməyə başlayıblar. Bu gün onlar minimum əmək haqqının artırılmasını, hətta Fransa Senatının ləğv edilib əvəzində vətəndaşların birliyinin yaradılmasını tələb edirlər. Bu o deməkdir ki, etiraz edən qüvvələr konstitusyional tələblər irəli sürməyə başlayıblar. Bugünkü çətinlik ondan ibarətdir ki, "Sarı jiletlilər"in hərəkarı çox böyük vüsət alıb. Bu cür böyük həcmli qiyamlar "düşüncəsiz" olur və bu zaman yaranan vəziyyətə adekvat, uyğun gələn qərarın verilməsi həddindən artıq çətin olur"-deyə, professor bildirib.