2 ildən sonra iş tapdı
İdman 04 Dek 2018 15:50:00 218 0
İki il işsiz qalan Argentina millisinin keçmiş hücumçusu Ernan Krespo yeni iş yeri tapıb.
Goal.az xəbər verir ki, eks-hücumçu öz ölkəsinin Banfield klubunu çalışdıracaq. İndiki baş məşqçi Xulio Sesar Falsoni dekabrın 8-də postundan gedəcək. Onun yerini Krespo tutacaq. Komanda 27 turdan sonra turnir cədvəlində 17-ci yerdədir. Krespo karyerası ərzində Parma, Çelsea, İnter, Milan və Latsio kimi klublarda forma geyinib. Libertadores Kubokunun qalibidir. UEFA kubokunu, İngiltərə və İtaliya çempionluğunu qazanıb. Sonuncu iş yeri olan Modena klubunu 2016-də tərk edib.
Mənbə: goal.az