“Kelebek”də qaydalar dəyişdi
Şou-biznes 03 Dek 2018 18:49:00 262 0
Ötən gün Bakıda baş tutan konsert proqramında "Altın Kelebek" mükafat mərasiminə namizəd olan 7 məşhurdan Türkiyəyə gedəcək 3 finalistin adı açıqlanmayıb. Buna səbəb təşkilatçıların seçim prosesi ilə bağlı dəyişiklik etməsi olub. Belə ki, dekabrın 9-da İstanbulda keçirilən dəbdəbəli tədbirə cəmi bir ulduzumuz gedəcək.
Son.az xəbər verir ki. bu barədə "qafqazinfo"ya "M Group Production"ın mətbuat xidmətindən məlumat verilib. Qeyd olunub ki, yeni qərara əsasən, 3 yox, cəmi 1 xanım müğənni Türkiyəyə yola düşəcək:
"Əvvəl təşkilatçılar fikirləşdi ki, 7 namizəd ulduzun konsertindən 3 finalist seçilərək Türkiyəyə göndərilsin. Sifarişçi səsvermədə qalib gələn 3 sənətçinin adını gizli saxlayacaqdı və mətbuata bu barədə məlumat verməyəcəkdi. Sadəcə olaraq həmin finalistlərə hazırlıq barədə müraciət olunacaqdı. Geyim, bilet və s. Daha sonra təşkilatçıların istəyinə görə, qərar dəyişdirildi.
Mənbə: milli.az