Bakı. Bakı Dağlıq Qarabağ münaqişəsinin sülh yolu ilə nizamlanmasında dünya ictimaiyyətinin “qətiyyətli sözünü” gözləyir. Trend-in məlumatına görə, bunu Azərbaycanın Belarusdakı səfiri Lətif Qəndilov deyib. Səfir bildirib ki, bu məsələdə tez-tez ikili, üçlü standartlar qeydə alınır: “Bu məsələnin həlli üçün dünya ictimaiyyətinin qətiyyətli sözü də vacibdir. Biz tez-tez ikili, üçlü standartlarla qarşılaşırıq. Bunlar olmamalıdır. Beynəlxalq hüququ və ədaləti əsas tutmaq lazımdır. Bu, danışıqlar prosesində vacib element olmalıdır”.