AÇ-2020-nin qaydaları: Eyni qrupda olmayacaqlar!
İdman 20 Noy 2018 13:05:00 273 0
Dekabrın 2-də İrlandiyanın Dublin şəhərində AÇ-2020-nin püşkatma mərasimi keçiriləcək. 55 ölkə hər birində 5, yaxud 6 komanda olmaqla 10 qrupda mübarizə aparacaq.
Goal.az
xəbər verir ki, UEFA püşkatma zamanı ölkələr arasında siyasi gərginliyi, uzaqlıq və hava şəraitini nəzərə alaraq, bəzi millilərin bir-biriylə eyni qrupda iştirak etməsinə imkan yaratmayacaq:
Arasında siyasi gərginlik olan ölkələr:
Ukrayna - Rusiya
Kosovo - Bosniya və Herseqovina
Kosovo - Serbiya
İspaniya - Cəbəllütariq
Azərbaycan - Ermənistan
Uzaq məsafəyə görə yalnız biriylə qarşılaşa biləcək millilər:
Azərbaycan: Cəbəlüttariq, İslandiya və Portuqaliya
İslandiya: Ermənistan, Gürcüstan, İsrail və Kipr
Qazaxıstan: Andorra, İngiltərə, Fransa, Farer Adaları, Cəbəlüttariq, İslandiya, Malta, İrlandiya, Şimali İrlandiya, Portuqaliya, İspaniya, Uels, Şotlandiya millilərindən sadəcə biriylə qarşılaşa biləcək.
Qış şəraitinin ağır olduğu ölkələr:
Belarus, Estoniya, Farer Adaları, Finlandiya, İslandiya, Litva, Norveç, Rusiya, Ukrayna
55 komandayla start götürəcək qrup oyunları gələn ilin martın 21-dən noyabrın 19-a qədər keçiriləcək. 12 fərqli ölkədə keçiriləcək AÇ-2020 12 iyunda başlayacaq və bir ay davam edəcək. (komanda.az)