Bakı. İtaliyanın məşhur Maire Tecnimont şirkətinin Azərbaycandakı nümayəndəliyi olan “KT-Kinetics Technology” şirkətin mühəndislər komandasına qatılmaq üçün Bakı Ali Neft Məktəbinin (BANM) beşinci kurs tələbələri arasından seçim edir. Trend-in məlumatına görə, seçim mərhələsinin ilkin mərhələsində şirkətə müraciət etmiş 56 tələbədən 25 nəfəri seçilib. İkinci mərhələdə isə şirkətin Azərbaycan nümayəndəliyinin rəhbəri Nikolo Haylpern şəxsən iştirak edərək tələbələrlə görüşüb. Görüşdə həmçinin şirkətin İnsan resurları üzrə rəhbəri Aidə Bəşirova və İnsan resursları üzrə mütəxəssis Səidə Quliyeva iştirak ediblər.