Xiaomi "ağıllı" bloknot təqdim edib
Digərləri 17 Noy 2018 07:41:00 260 0
"Xiaomi" şirkəti qurğularının çeşidini genişləndirməyə davam edir: şirkət tərəfindən hazırlanmış bloknot avtomatik olaraq bütün yazıları rəqəmləşdirir. Son.az ICTnews-a istinadən bildirir ki, bloknotda istifadə edilən elektromaqnit rezonans texnologiyası qələmlə çəkilmiş xətləri yüksək dəqiqliklə müəyyənləşdirməyə imkan verir. Elektronika bu siqnalı emal edərək onu rəqəmli sənəd şəklində saxlayır. Beləliklə, konspekt, şəkil, çertyojları yadda saxlamaq olar. Bundan başqa əllə yazılmış mətnin tanınması funksiyası var: belə mətn avtomatik olaraq "Word" sənədə çevriləcək. Bloknot istənilən kağızla işləyir. Bütün yazıları "iOS", "Android" və "Windows 10" üçün proqramlar vasitəsilə saxlamaq olar.
Mənbə: milli.az