Belə ki, şeyxülislam Allahşükür Paşazadə ilə ölkənin bir qrup deputat və ziyalılardan ibarət nümayəndə heyəti İspaniyada beynəlxalq konfransa gedərkən onu səfərdə müşayiət edən BDU rektorunun "sərgüzəştləri" ölkədə ciddi rezonansa səbəb olub. Akademikin səfərboyu içkili olması, uçduğu təyyarədə belə şərab çəlləkləri daşıması şok effekt yaradıb.

Dünən günün sonunda həmin tədbirdən fotolar və videolar, hətta A.Məhərrəmovun çıxışı yayılıb. Lakin həmin çıxışın videousunda rektor, necə deyərlər, ağlı başında biri kimi çıxış edir, içkili olduğu hiss olunmur və məntiqi fikirlər səsləndirir. Belə demək mümkünsə, bu çıxış, əslində, yazılanları təkzib edirdi.